Түмэн-Эх Чуулгын дарга, уран сайхны удирдагч Т.Отгонсүрэн
Уламжлалт Өв Соёлын Түмэн Эх чуулгын хамт олны нэрийн өмнөөс та бүхний амар амгаланг эрэн мэндчилж байна. Тус чуулга нь үзэгч түмнийхээ оюуны хэрэгцээг хангасан, мэргэжлийн өндөр түвшний тоглолтоор үйлчлэн салбараа тэргүүлж, Монголын өвөрмөц, давтагдашгүй уламжлалт өв соёл болон түүний төрөл зүйлийг хадгалан хамгаалах, судлах, түгээн дэлгэрүүлэх зорилгыг тавин ажилласаар хэдэн арван жилийг үдлээ. Өнгөрсөн хугацаанд манай чуулгын уран бүтээлчид соёлынхоо үнэт өв болох үндэсний язгуур урлагаа түгээн дэлгэрүүлсээр дэлхийн олон оронд айлчилан, тоглолт хийсэн. Тиймээс ч тус чуулгаас төрийн өндөр дээд одон медалиудаар шагнагдсан олон авьяаслаг уран бүтээлчид төрөн гарсан байдаг. Манай чуулгатай хамтран ажилладаг байгууллагууд, итгэл даасан түншүүд, халуун дулаан хүлээж авдаг үзэгчид та бүхэн дээ гүн талархал илэрхийлье. Ирж буй шинэ 10 жилийг бид илүү эрч хүчтэй, шинэ үеийн ололт амжилтыг тусгасан шинэлэг, бүтээлч уран бүтээлээр угтах болно. Уран бүтээлийнхээ шинэ шинэ дээжээр эргэн уулзах ерөөлийг дэвшүүлье.
Манай сайтад саатан морилно уу.